was me hützutags alles im netz cha mache isch unglaublich. es git fasch nüt wofürs no ke api oder en webservice git. hesch en idee und bruchsch dezue date so zappfsch sonen dienst a und scho gahts los, da gasch api! i bi im moment echli mit de discogs API am experimentierä , da chan i mir ziemli viel date für mini vinyldb absuuge, esischeso!
Archive for September, 2009
ich gang api!
Montag, September 28th, 2009das gits gar nöd!
Sonntag, September 27th, 2009ich han tatsächlich es formel 1 rennä verpasst, esischeso!
thaiaiai…
Freitag, September 25th, 2009…sit es paar wuche han i mir gseit, das es z’langwilig isch immer i di gliiche restaurants z’go und das me so etlichi glägeheite verpasst irgendwo i dr zwinglistadt e versteckti perle z’finde. hüt hets üs is bansongthai verschlage, es isch ratsam z’reserviere, mir sind aber so früh dra gsi, das es no gnueg platz gha het. i wott gar nöd lang um de heissi thai redä, es het alles gstumme und ich wird sicher wiedermal go, esischeso!
im seefeld gits es bier…
Mittwoch, September 23rd, 2009…und das heisst sbier vo de flüegass. frisch und bekömmlich ischs um längene besser als de einheitsbrei von heineken und co. am samschtig vom halbi elfi bis am halbi eis gits en verchauf ab brauerei. das ganzi isch imene alte gebäude diräkt hinder de seewürfel underbracht, es zieht dur alli löcher aber da das gebäude under dänkmalschutz staht wird das wohl für immer eso bliibe, was sägemer da dezue? esischeso!
hammer dnb internetradio
Dienstag, September 22nd, 2009am sunntig hani s’internetradio bassdrive entdeckt und bin sit det zimli gflashed! durchwegs hammer sound usem gsamte dnb-universum. das ganze chunnt usem big äppel inere hammer qualität. män ich lose scho es wili de sound aber ich han im netz no nie en sender gfunde wo so konstant de nagel uf em chopf trifft. das liit sicher au da dra, das in england sehr viel jump up gsendet wird, bassdrive isch da scho eher uf the tech wälle, da packi grad mis board us und fang a waveride (träum wiiter), esischeso!
bye, bye briatore!
Montag, September 21st, 2009und wiedermal en skandal wo vor gricht siis ändi findet, und scho taucht wieder d’frag nach dr gerechtigkeit uf. wo vor 2 jahr mclaren mercedes e zimlichi klatsche vo 100 millione het becho, chömed d’franzose mit renault mit ere straf uf bewährig defo. klar, im gegesatz zu de jungs vo ännet em ärmel, händ sie nöd wehemänt glügnet und vo afang ah d’schuld zuegäh. nur de flavio, isch doch tatsächlich am sunntig in monza no über de piquet jr. herzoge, das sig doch en verwöhnte bängel! etz chan er immerhi sis blaue wunder uf sinere lady blue gnüsse, erfolg het er scho gnueg gha, und niidisch simmer alli uf the once and only playboy in f1, aber strafe muss sein, punkt. esischeso!
esischeso.ch chunnt endlich uf d’wält!
Sonntag, September 20th, 2009d’idee isch wie vieles bimene bierli inere luschtige rundi entstande, muesch di mal achte, wieviel mal me, (mit me meini dich, mich und susch alli wo me demit meine cha), also ebä wieviel mal me „esischeso“ als kommentar abgit. esischeso! das passiert no gli mal und us dem grund gits a dere adresse im netz de blog. das wordpress isch scho super, aber so ab de stange isch es scho chli mainstream, aber es gseht guet us! im moment hani grad nüd gschiders z’sägä als das wo scho da staht, also lahnis für etz mal la blibe, esischeso!
Hallo Welt!
Sonntag, September 20th, 2009Willkommen zur deutschen Version von WordPress. Dies ist der erste Artikel. Sie können ihn bearbeiten oder löschen. Gehen Sie, um Spam zu vermeiden, doch gleich mal in den Pluginbereich und aktivieren Sie die entsprechenden Plugins. So, und nun genug lamentiert – jetzt nichts wie ran ans Bloggen!