genau so gross isch de rückstand vom alonso uf de vettel bim qualifying in hockeheim gsi. d’strecki in hockeheim isch 4,574 km lang, de vettel isch um 0.006 km/h schneller xi. das heisst inere stund het de vettel 6 meter vorsprung uf de alonso wenn beide konstant mit dere gschwindigkeit fahred. nach einere rundi sind das öppe 12.5 cm abstand, läck johnny isch das knapp xi, esischeso!
was sind scho 2 tuusigschtel sekunde?
Juli 24th, 2010mixcloud!
Juli 4th, 2010per zuefall hani hüt d’siite mixcloud.com entdeckt. als dj muess me de suisa gebühre entrichte. wenn ich en song imene mix verwände und online stelle mues ich z’ok vom artist ha oder ebä gebühre entrichte. uf mixcloud chani mini dj-sets ufelade, d’artiste erhaltet vo mixcloud ihres gäld. daher isch es notwändig, das i e tracklist vo de gspiilte tracks agibe, darum wird e setlist verlangt. das ganzi isch au mit de verschidene social networks verchnüpft, so erspart me sich doppelerfassige, mir läbed indere vernetzte wält, esischeso!
valencia…
Juni 27th, 2010…isch hüt es renne zum vergässe xi! zallererscht freuts mi, das es am webber nach sim spektkuläre unfall guet gaht. mir isch s’herz im hals stecke blibe, won i ihn han xeh abflüüge. was nachher cho isch, isch eifach lächerlich! de hamilton, uf platz 2 liegend, überholt regelwidrig, grad unmittelbar nach de boxeuusfahrt s’safetycar, de alonso, wo sich ein meter hinder ihm befindet stellt sich hinder s’safetycar. währed dem d’ferraris ei rundi bi 10 km/h am safetycar folget günd alli hindedra ad box um reife z’wächsle. am schluss vo de rundi dörfed d’ferraris s’safetycar überhole, aber i dere ziit händ de vettel (platz 1) und de hamilton (platz 2) und alli hinder ihne scho d’reife gwächslet. die vorne sind wägzoge, und die wo vorher hinder de farraris xi sind, händ i dere ziit, wo d’ferraris langsam hinderem safetycar hergfahre sind, ufgholt. nachem reifewächsel sind de alonso uf 10 und de massa uf 17 oder so xi. suberi leischtig vo de rännleitig! de vettel und de hamilton händ en vorteil us de situation zoge, am alonso und am massa isch es zum verhängnis worde, dass si sich ad reglä ghalte händ. de hamilton het zwar e drive trhough penalty übercho, aber da er soviel vorsprung uf de 3. gha het, het er nöd mal en platz verlore. d’rännleitig hetti no d’möglichkeit gha, nachem ränne e straf uuszspräche, wil die autos, wo sich hinder de ferraris befunde händ, under gälber flagge z’schnäll xi sind. aber die straf vo 5 sekunde isch zum totlache und het praktisch ken iifluss ufs rännergäbnis, wenn me berücksichtigt was de fählentscheid am afang für folge ufs rännergäbnis gha het. es isch eifach zum devolaufe so öppis, esischeso, taminomal!
senza parole…
Juni 24th, 2010…ohne worte uf italienisch. italie hets gschafft i dr vermeintlich eifachschte gruppe als letschte abzschlüsse, und das als amtierende wältmeischter. s’gliiche schicksal het 2002 frankrich ereilt, die sind sogar torlos heigange. zumindest händ sich d’azzurris i de letschte viertelstund drum bemüet doch no is 1/8-final z’cho. aber au das isch en chliine troscht. die erschte 75 minute sind e absoluti katastrophe xi, punkt! die manndlis sind fuul ummegschliche, immer en schriit z’spaht cho, absolut konzeptlos de energisch spielende slovake underläge xi. und dänn plötzlich gahts, hä? was isch genau los? bim spiel gegä paraguay hani no es italie xeh wo pressing gmacht und kämpft het. gäge neuseeland isch aber offesichtlich xi, dass da en dicke fette wurm i derä mannschaft steckt und hüt gäge d’slovakei isch für mich de absoluti tüüfpunkt erreicht worde. no nie hani d’italiener so charakterlos spiele xeh. underem strich muesi säge si händ nöd meh verdiänt. dass d’mannschaft zu meh fähig xi wär het me i de letsche 20 minute xeh, doch leider isch es scho es bitz spaht xi zum z’rueder ummezrisse. es wird vo schadefreudige lüüt wo sich freued das italie usgheit isch nur so wimmle und was no schlimmer isch, si händ sogar rächt, esischleidereso… 🙁
eis hämmer no immer gno…
Juni 17th, 2010…und sit neustem gits eis meh wo mer no immer gno händ. striker das isch s neue bier für züri. sit es paar täg chames bim coop chaufe, es isch würklich lecker! im sortiment sind verschiedeni produkt, im coop hani bis etz nur s’lager dosebier xeh. es isch es früsches und süffigs bier wo sehr liecht derher chunnt. 4.8 volumeprozent hets lager, s’weize und s’winter elch händ beidi 5.2%. ich glaub, das bier wird en ränner, scho nur dass es bimene grossverteiler i de regal staht isch es guets zeiche, und uhuere guet isches ebä au! esischeso!
potzheieiei 1:0 gäg spanie…
Juni 16th, 2010…und wer hets erfunde? es git nüüt spannenders we spiel wie das vo hüt: spanie gäge d schwiiz a de wm. du weisch genau, wenn er mal drin isch, dänn ischs entweder verbii, oder es faht ersch ah und hört nümm uf. weisch wani meine? saletti zämä! gascheniddemaggedegagge… hüt het schwiiz gspiilt wie en wältmeischter. nöd rot werdä 😉 wänn italie so spielt, dänn hani il cuore in gölä äääh gola (da herz in da hals). hinne ine stah, au das machsch nöd eifach eso, taktik, herz und mannschaftsgeischt isch gfraget. de wältmeischter chunnt immerno us italie, aber hüt het er e anders liibli a gha, e rots! gascheniddemagge, esischeso!
1 jahr play it loud im gaskessel z’bärn
Mai 30th, 2010am letschte friitig am 28.05.2010 hani chöne a de 1 jahr jubiläumsparty vom label play it loud im gaskessel z’bärn uflegge. ich hami mit emene liquid set beworbe und offebar gwunne. vom viertel vor eis bis am viertel vor zwei hani chöne sound mache. leider hets gar wänig lüüt gha, de newcomer floor isch leer gsi. im mainfloor het noisia sound gmacht, wer die kennt weiss was das heisst. die malträtieret d’alag und z’publikum mit drum and bass vom feinschte, ich wär wohl au im mainfloor gsi, als dene newcomers zue z’lose. immerhin hani guets feedback zum sound becho und so bliibt mer das als coole abig in erinnerig, esischeso!
mal öppis anders…
Mai 22nd, 2010…etz hani mir mal de web 2.0 browser „flock“ abezoge, di tüütsch version 2.0.3 het nöd wellä rächt funktioniere, d’facebook fründesliischte het eifach nöd wellä. da hani mir halt d’version 2.5 uf englisch inezoge. es schiint etz aber z’funktionierä. das da isch de erschti versuech, en blogiitrag über flock z’poste…mal luege öbs klappet…ischesächteso?
Blogged with the Flock Browser
etz ghöri zu de obere 10’000!
Mai 16th, 2010schön wärs… vorerscht backi no chlineri brötli. aber uf discogs dot com bini under de „beschte“ 10’000! Pro biitrag gits pünkt, also für jedi platte woni de sammlig hinzu füege gits pünkt, für jedi änderig gits pünkt und so bini a dem wuchenänd under di erschte 10’000 cho, esischeso!
aber etz isches eso…
April 28th, 2010…esischeso! inter im final! eigetli hettmä sich das irgendwie nöd chöne vorstellä das barca verlürt. aber wenn die nöd chänd zauberä dänn dänn händ au si ihri problem. aber us taktischer sicht isch das es hammerspiel gsi, esischeso!