E tierischi Frag, ich weiss es eifach nümm. D’red isch vom Langenthaler Whisky Langatun, da gits nämmli d’sorte old bear (bär, was ächt süsch) und old deer (das isch a hirsch). De Typ im ArtCigar in Lenzburg het gmeint, de Underschied zwüsched em bär und em hirsch sig im alkoholghalt, der einti hebi ca. 40% Alkohol und der anderi hebi Fassstärchi 62.8%. Esischabernödeso, ma chan nämmli beidi in Fassstärchi ha. Ufgrund vo de Beschriibig hani wohl en Hirsch gha.
S’ArtCigar in Lenzburg isch e chlini Oase für Whiskyliebhaber und Zigarre-Afficionados, sit de neui Bsitzer s’Ruder i de Hand het, het sich d’Uuswahl a Whisky und Zigarre tüütlich gsteigered, was bliibe isch: d’homepage chunnt bald (haha! was heisst bald?), und für e sones Lokal, woni, und das muesi klarstelle, absolut gern bsueche, e unwürdigi Seelelosi Charte! Nöd wägem Inhalt, det isch alles druff was druff ghört. Nei, d’Uufmachig isch absolut lieblos, e sones Lokal het e besseri Charte verdient, esischeso! Meh dezue glii uf dem blog, bald 😉